Markmið: Að koma á styrkri og heildstæðri lagaumgjörð um verðbréfun, m.a. til að uppfylla skuldbindingar samkvæmt EES-samningnum.
Helstu breytingar og nýjungar: Lagt er til að reglugerð (ESB) nr. 2017/2402 um almennan ramma fyrir verðbréfun og gerð sértæks ramma fyrir einfalda, gagnsæja og staðlaða verðbréfun (STS) hafi lagagildi hér á landi, með breytingum samkvæmt reglugerð (ESB) nr. 2021/557. Frumvarpið er jafnframt liður í innleiðingu svonefnds verðbréfunarpakka Evrópusambandsins, sem felur einnig í sér breytingar á öðrum móðurgerðum og framselda gerð. Gert er ráð fyrir að Seðlabanki Íslands sé lögbært yfirvald en að Fjármálaeftirlitið fari með þau verkefni sem því yfirvaldi eru falin, annist eftirlit og geti krafist úrbóta vegna brota gegn lögunum eða stjórnvaldsfyrirmælum settum með stoð í þeim. Lagt er til að kveðið verði á um stjórnsýsluviðurlög, einkum stjórnvaldssektir sem geta numið allt að 630 milljónum kr. og, þegar um lögaðila er að ræða, allt að 10% af heildarveltu, ásamt heimildum til tímabundins banns við stjórnunarstörfum, tímabundins banns við STS-tilkynningum og afturköllunar starfsleyfis þriðja aðila sem sannprófar STS-viðmið.
Breytingar á lögum og tengd mál:
Um er að ræða ný lög en við gildistöku laganna verða breytingar á lögum um fjármálafyrirtæki, nr.
161/2002, lögum um verðbréfasjóði, nr.
116/2021, lögum um vátryggingastarfsemi, nr.
100/2016, lögum um lánshæfismatsfyrirtæki, nr.
50/2017, lögum um rekstraraðila sérhæfðra sjóða, nr.
45/2020, lögum um afleiðuviðskipti, miðlæga mótaðila og afleiðuviðskiptaskrár, nr.
15/2018, lögum um peningamarkaðssjóði, nr.
6/2023, lögum um skyldutryggingu lífeyrisréttinda og starfsemi lífeyrissjóða, nr.
129/1997, og lögum um tekjuskatt, nr.
90/2003.
Kostnaður og tekjur: Kemur ekki fram í frumvarpi.
Aðrar upplýsingar:
Reglugerð Evrópuþingsins og ráðsins (ESB)
2017/2402 frá 12. desember 2017 um almennan ramma fyrir verðbréfun og gerð sértæks ramma fyrir einfalda, gagnsæja og staðlaða verðbréfun, og um breytingu á tilskipunum
2009/65/EB,
2009/138/EB og
2011/61/ESB og reglugerðum (EB) nr.
1060/2009 og (ESB) nr.
648/2012 (STS-reglugerðin).
Reglugerð Evrópuþingsins og ráðsins (ESB) 2021/557 frá 31. mars 2021 um breytingu á reglugerð (ESB)
2017/2402 um almennan ramma fyrir verðbréfun og gerð sértæks ramma fyrir einfalda, gagnsæja og staðlaða verðbréfun til að stuðla að endurbótum í kjölfar COVID-19 hættuástandsins.
Reglugerð Evrópuþingsins og ráðsins (ESB)
2017/2401 frá 12. desember 2017 um breytingu á reglugerð (ESB) nr.
575/2013 um varfærniskröfur að því er varðar lánastofnanir og verðbréfafyrirtæki.
Reglugerð Evrópuþingsins og ráðsins (ESB)
2021/558 frá 31. mars 2021 um breytingu á reglugerð (ESB) nr.
575/2013 að því er varðar aðlögun á rammanum um verðbréfun til að styðja við efnahagslegar endurbætur til að bregðast við COVID-19 hættuástandinu.
Framseld reglugerð framkvæmdastjórnarinnar (ESB)
2018/1221 frá 1. júní 2018 um breytingu á framseldri reglugerð (ESB)
2015/35 að því er varðar útreikning á lögbundnum gjaldþolskröfum fyrir verðbréfanir og einfaldar, gagnsæjar og staðlaðar verðbréfanir í eigu vátrygginga- og endurtryggingafélaga.
Afgreiðsla: Afgreitt úr nefnd til 3. umræðu.
Efnisflokkar:
Erlend samskipti: Alþjóðasamningar og utanríkismál
|
Atvinnuvegir: Viðskipti
156. þing
| 1.3.2025
| Lagafrumvarp
| Stjórnarmál