Markmið: Að innleiða reglugerð (ESB) 2021/1230 um greiðslur yfir landamæri og tryggja áframhaldandi lagagildi reglugerðar (ESB) nr. 260/2012. Að jafna gjöld fyrir evrugreiðslur yfir landamæri og auka gagnsæi við gjaldmiðilsumreikning.

Helstu breytingar og nýjungar: Lagt er til að gjöld fyrir evrugreiðslur yfir landamæri skulu vera þau sömu og fyrir samsvarandi greiðslur innanlands í krónum. Einnig er gert ráð fyrir að bæta upplýsingagjöf til greiðenda um gjöld vegna gjaldmiðilsumreiknings.

Breytingar á lögum og tengd mál: Um er að ræða ný lög og við gildistöku þeirra falla úr gildi lög um greiðslur yfir landamæri í evrum, nr. 78/2014. Jafnframt verða breytingar á lögum um greiðsluþjónustu, nr. 114/2021.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Reglugerð Evrópuþingsins og ráðsins (ESB) 2021/1230 frá 14. júlí 2021 um greiðslur yfir landamæri í Sambandinu (kerfisbinding).

Afgreiðsla: Samþykkt með minni háttar breytingum.

Efnisflokkar: Erlend samskipti: Alþjóðasamningar og utanríkismál  |  Hagstjórn: Efnahagsmál  |  Atvinnuvegir: Viðskipti