Markmið: Að fella úr gildi lög nr. 30/2024 á búvörulögum til að tryggja að samkeppnislög gildi að fullu um afurðastöðvar í landbúnaði, að vernda hagsmuni bænda og neytenda og koma í veg fyrir frekari sameiningar framleiðendafélaga á grundvelli laganna.

Helstu breytingar og nýjungar: Frumvarpið felur í sér að allar breytingar sem samþykktar voru með lögum nr. 30/2024 verða felldar brott. Þar með falla úr gildi ákvæði um framleiðendafélög sem veittu undanþágur frá samkeppnislögum, þ.á.m. undanþágu frá samrunaeftirliti og án kröfu um að bændur hefðu raunverulegt eignarhald eða stjórn í félögunum.

Breytingar á lögum og tengd mál: Búvörulög, nr. 99/1993.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Dómur Héraðsdóms Reykjavíkur í máli nr. E-4202/2024.

Afgreiðsla: Afgreitt úr nefnd til 2. umræðu.

Efnisflokkar: Atvinnuvegir: Iðnaður  |  Atvinnuvegir: Landbúnaður  |  Atvinnuvegir: Viðskipti