Markmið: Að veita ríkisstjórninni heimild til að samþykkja hækkun á kvóta Íslands hjá Alþjóðagjaldeyrissjóðnum (AGS) í samræmi við sextándu almennu endurskoðun á kvóta sjóðsins þannig að Ísland viðhaldi hlutfallslegu atkvæðavægi sínu og möguleikum á fjármögnun.

Helstu breytingar og nýjungar: Frumvarpið felur í sér heimild til að hækka kvóta Íslands hjá AGS úr 321,8 milljónum SDR í 482,7 milljónir SDR í samræmi við samþykkt AGS um að hækka kvóta allra aðildarríkja um 50%. Með hækkuninni er tryggt að Ísland haldi óbreyttri stöðu sinni innan sjóðsins.

Breytingar á lögum og tengd mál: Um er að ræða ný lög.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar:

Afgreiðsla: Samþykkt óbreytt.

Efnisflokkar: Erlend samskipti: Alþjóðasamningar og utanríkismál  |  Hagstjórn: Efnahagsmál  |  Hagstjórn: Fjárreiður ríkisins