Markmið:
Að skapa lagareldi skilyrði til aukinnar verðmætasköpunar með sjálfbæra nýtingu og vistkerfisnálgun að leiðarljósi.
Helstu breytingar og nýjungar:
Frumvarpið felur í sér heildarendurskoðun á löggjöf um lagareldi og markar stefnubreytingu í þágu sjálfbærni, dýravelferðar og ábyrgari auðlindanýtingar. Lagt er til að tekið verði upp árangurstengt leyfakerfi þar sem nýtingarheimildir ráðast af frammistöðu rekstraraðila í umhverfisvernd og dýravelferð. Gert er ráð fyrir að á hverju smitvarnasvæði megi aðeins einn aðili starfrækja eldi. Einnig er lagt til að eftirlitshlutverk Matvælastofnunar verði eflt, m.a. með viðurlögum vegna stroks og kynþroska fiska. Þá er gert ráð fyrir endurskipulagningu sjóða og gjaldtöku með áherslu á fyrirsjáanleika, sanngjarna auðlindarentu og samfélagslegt hlutverk. Jafnframt er lagt til að sambærilegar kröfur skuli gilda fyrir land- og hafeldi jafnt sem sjókvíaeldi.
Breytingar á lögum og tengd mál: Um er að ræða ný lög og við gildistöku þeirra falla úr gildi lög um fiskeldi, nr. 71/2008, og lög um töku gjalds vegna fiskeldis í sjó og fiskeldissjóð, nr. 89/2019. Jafnframt verða breytingar á lögum um lax- og silungsveiði, nr. 61/2006, lögum um varnir gegn fisksjúkdómum, nr. 60/2006, lögum um Rannsóknadeild fisksjúkdóma, nr. 50/1986, og lögum um fjárfestingu erlendra aðila í atvinnurekstri, nr. 34/1991.
Kostnaður og tekjur:
Áætluð fjárhagsáhrif fyrir ríkissjóð fela í sér tímabundið tekjutap á árunum 2025 og 2026 vegna framlengingar sólarlagsákvæðis um framleiðslugjald. Á móti er gert ráð fyrir auknum tekjum árin 2027 og 2028 vegna breyttar aðferðafræði við útreikning á framleiðslugjaldi. Auk þess er gert ráð fyrir hærri útgjöldum vegna aukinna verkefna ríkisstofnana, m.a. til að efla stjórnsýslu, rannsóknir og eftirlit með fiskeldi.
Aðrar upplýsingar:
Löggjöf á Norðurlöndum
Færeyjar
Noregur
Afgreiðsla: Frumvarpið var ekki afgreitt úr nefnd.
Efnisflokkar:
Hagstjórn: Fjárreiður ríkisins
|
Heilsa og heilbrigði: Heilbrigðiseftirlit
|
Atvinnuvegir: Landbúnaður
|
Atvinnuvegir: Sjávarútvegur
|
Hagstjórn: Skattar og tollar
|
Umhverfismál: Umhverfisstjórn og náttúruvernd
154. þing
| 27.3.2024
| Lagafrumvarp
| Stjórnarmál