914. mál: Innviðir markaða fyrir fjármálagerninga sem byggjast á dreifðri færsluskrártækni

Samantekt

Markmið: Að stuðla að því að umgjörð fjármálamarkaðar mæti nútímaþörfum með samkeppnisstöðu og möguleika til nýsköpunar í huga án þess að slegið verði af sjónarmiðum um vernd fjárfesta, fjármálastöðugleika og heilleika markaðarins.

Helstu breytingar og nýjungar: Lagt er til að innleiða Evrópureglugerð um tilraunaregluverk fyrir innviði á markaði fyrir fjármálagerninga sem byggjast á dreifðri færsluskrártækni, sem felur í sér að upplýsingar um færslur eru skráðar og deilt á mörgum stöðum í stað þess að vera geymdar á einum miðlægum stað.

Breytingar á lögum og tengd mál:

Um er að ræða ný lög en við gildistöku þeirra verða breytingar á lögum um markaði fyrir fjármálagerninga, nr. 115/2021, lögum um verðbréfamiðstöðvar, uppgjör og rafræna eignarskráningu verðbréfa, nr. 7/2020, og lögum um opinbert eftirlit með fjármálastarfsemi, nr. 87/1998.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Reglugerð Evrópuþingsins og ráðsins (ESB) 2022/858 frá 30. maí 2022 um tilraunaregluverk fyrir innviði markaða sem byggjast á dreifðri færsluskrártækni og um breytingu á reglugerðum (ESB) nr. 600/2014 og (ESB) nr. 909/2014 og tilskipun 2014/65/ESB.

Tækifæri og áhættur á sviði stafrænnar fjármálaþjónustu sem byggist á dreifðri færsluskrá. Skýrsla starfshóps. Forsætisráðuneytið, apríl 2023.

Afgreiðsla: Samþykkt nær óbreytt.

Efnisflokkar: Erlend samskipti: Alþjóðasamningar og utanríkismál | Hagstjórn: Fjárreiður ríkisins | Atvinnuvegir: Viðskipti

914 | Innviðir markaða fyrir fjármálagerninga sem byggjast á dreifðri færsluskrártækni

Þingskjöl

Umsagnir