Markmið: Að skapa árangursríkt og alþjóðlega samkeppnishæft fjármögnunarumhverfi fyrir sprota- og nýsköpunarfyrirtæki til að styðja við öflugt atvinnulíf byggt á hugviti og þekkingu og efla þannig vöxt, velsæld og samkeppnishæfni Íslands.

Helstu breytingar og nýjungar: Lagt er til að tveir fjárfestingarsjóðir á málefnasviði nýsköpunarstuðnings, annars vegar Nýsköpunarsjóður atvinnulífsins og hins vegar Kría – sprota- og nýsköpunarsjóður, verði sameinaðir í nýjan sjóð undir heitinu Nýsköpunarsjóðurinn Kría. Gert er ráð fyrir að sá sjóður taki við hlutverkum, eignum og skuldbindingum NSA og Kríu – sprota- og nýsköpunarsjóðs.

Breytingar á lögum og tengd mál: Um er að ræða ný lög og við gildistöku laganna falla úr gildi lög um Nýsköpunarsjóð atvinnulífsins, nr. 61/1997, og lög um Kríu – sprota- og nýsköpunarsjóð, nr. 65/2020. Jafnframt verða breytingar á lögum um staðgreiðslu skatts á fjármagnstekjur, nr. 94/1996, og lögum um tekjuskatt, nr. 90/2003.

Kostnaður og tekjur:

Afgreiðsla: Samþykkt með minni háttar breytingum.

Efnisflokkar: Hagstjórn: Fjárreiður ríkisins  |  Atvinnuvegir: Viðskipti