904. mál: Sjúkraskrár og landlæknir og lýðheilsa

904 | Sjúkraskrár og landlæknir og lýðheilsa (miðlun sjúkraskrárupplýsinga milli landa)

154. þing | 27.3.2024 | Lagafrumvarp | Stjórnarmál Samþykkt

Umsagnir: 5 | Þingskjöl: 4 | Staða: Lokið

Samantekt

Markmið:

Að tryggja lagastoð fyrir rekstri landstengigáttar fyrir miðlun sjúkraskrárupplýsinga milli landa á Evrópska efnahagssvæðinu (EES) í því skyni að tryggja öryggi sjúklinga sem þurfa að leita sér heilbrigðisþjónustu yfir landamæri, hvort sem þeir eru búsettir á Íslandi eða eru ríkisborgarar EES-ríkja í tímabundinni dvöl hér á landi.

Helstu breytingar og nýjungar:

Lagt er til að sjúklingar geti heimilað að tilteknum, skilgreindum lykilupplýsingum úr eigin sjúkraskrá verði miðlað til aðila sem veitir honum heilbrigðisþjónustu í öðru landi á Evrópska efnahagssvæðinu, einnig í neyðartilvikum. Gert er ráð fyrir að sams konar heimild gildi fyrir einstakling, búsettan í öðru ríki á Evrópska efnahagssvæðinu, sem þarf að leita sér heilbrigðisþjónustu á Íslandi. Þá er lagt til að landlæknir skuli starfrækja landstengigátt fyrir þær upplýsingar sem heimilt verður að miðla.

Breytingar á lögum og tengd mál:

Lög um sjúkraskrár, nr. 55/2009.

Lög um landlækni og lýðheilsu, nr. 41/2007.

Kostnaður og tekjur: Ekki er gert ráð fyrir áhrifum á ríkissjóð.

Afgreiðsla: Samþykkt með minni háttar breytingum.

Efnisflokkar: Erlend samskipti: Alþjóðasamningar og utanríkismál | Heilsa og heilbrigði: Heilbrigðismál | Lög og réttur: Persónuleg réttindi | Atvinnuvegir: Tölvu- og upplýsingamál

Þingskjöl

Umsagnir