Markmið: Að tryggja heimildir Orkustofnunar til að innheimta gjöld í samræmi við kostnað af leyfisveitingum og eftirliti.

Helstu breytingar og nýjungar: Lagt er til að mælt verði fyrir um heimildir Orkustofnunar til töku þjónustugjalda vegna vinnu Orkustofnunar við afgreiðslu leyfisumsókna vegna auðlindanýtingar, afgreiðslu leyfa og eftirlit með þeim.

Breytingar á lögum og tengd mál: Raforkulög, nr. 65/2003.

Kostnaður og tekjur: Gert er ráð fyrir að þjónustugjöld skili Orkustofnun tekjum á bilinu 6-13 milljónum kr. á ári, eftir umfangi leyfisumsókna. Þau munu líklega ekki að fullu standa undir kostnaði við leyfisveitingar en gjaldtakan mun skila sér í möguleikum til að bæta þjónustu stofnunarinnar með því að geta brugðist við álagspunktum í leyfisveitingum með auknu vinnuframlagi og/eða utanaðkomandi þjónustu.

Afgreiðsla: Samþykkt nær óbreytt.

Efnisflokkar: Hagstjórn: Fjárreiður ríkisins  |  Umhverfismál: Orkumál og auðlindir  |  Hagstjórn: Skattar og tollar