Markmið:

Helstu breytingar og nýjungar: Lagt er til að stofnunum sem safna upplýsingum um útflutning sjávarafurða, s.s. Skattinum og Hagstofu Íslands, beri að opna gagnasöfn sín fyrir Verðlagsstofu skiptaverðs með rafrænum eða stafrænum hætti. Einnig er lagt til að ráðherra geti sett forstöðumann annarrar ríkisstofnunar yfir Verðlagsstofu skiptaverðs í allt að fimm ár í senn.

Breytingar á lögum og tengd mál: Lög um Verðlagsstofu skiptaverðs og úrskurðarnefnd sjómanna og útvegsmanna, nr. 13/1998.

Kostnaður og tekjur: Ekki er gert ráð fyrir áhrifum á ríkissjóð.

Afgreiðsla: Samþykkt með þeirri breytingu að fallið var frá því að skylda stofnanir sem safna upplýsingum um útflutning sjávarafurða til að opna gagnasöfn sín fyrir Verðlagsstofu skiptaverðs með rafrænum eða stafrænum hætti.

Efnisflokkar: Hagstjórn: Fjárreiður ríkisins  |  Atvinnuvegir: Sjávarútvegur  |  Atvinnuvegir: Tölvu- og upplýsingamál  |  Atvinnuvegir: Viðskipti