Markmið: Að einfalda umgjörð um verkefni Stofnunar Vilhjálms Stefánssonar.

Helstu breytingar og nýjungar: Lagt er til að lög um Stofnun Vilhjálms Stefánssonar og samvinnunefnd um málefni norðurslóða, nr. 81/1997, verði felld úr gildi til þess að samruni Stofnunar Vilhjálms Stefánssonar og Háskólans á Akureyri geti orðið að veruleika.

Breytingar á lögum og tengd mál: Um er að ræða ný lög og við gildistöku þeirra falla úr gildi lög um Stofnun Vilhjálms Stefánssonar og samvinnunefnd um málefni norðurslóða, nr. 81/1997.

Kostnaður og tekjur: Ekki er gert ráð fyrir áhrifum á ríkissjóð.

Afgreiðsla: Samþykkt óbreytt.

Efnisflokkar: Samfélagsmál: Atvinnumál  |  Hagstjórn: Fjárreiður ríkisins  |  Mennta- og menningarmál: Menntamál  |  Erlend samskipti: Norræn málefni