Markmið: Að einfalda stofnanakerfi með öflugri vinnustöðum, bættri þjónustu, eflingu þekkingar- og lærdómssamfélags og fjölgun starfa á landsbyggðinni.

Helstu breytingar og nýjungar: Lagt er til að komið verði á fót nýrri Náttúruverndar- og minjastofnun sem taki við starfsemi Vatnajökulsþjóðgarðs, þjóðgarðsins á Þingvöllum, Minjastofnunar Íslands og þess hluta Umhverfisstofnunar er lýtur að náttúruvernd og veiðistjórnun.

Breytingar á lögum og tengd mál: Um er að ræða ný lög og við gildistöku þeirra falla úr gildi lög um Umhverfisstofnun, nr. 90/2002. Jafnframt verða breytingar á 23 öðrum lögum.

Kostnaður og tekjur: Ekki er gert ráð fyrir áhrifum á ríkissjóð.

Afgreiðsla: Samþykkt með talsverðum breytingum. Ákveðið var að falla frá því að þjóðgarðurinn á Þingvöllum og Minjastofnun Íslands heyrðu undir hina nýju stofnun og í ljósi þess var nafni hennar breytt í Náttúruverndarstofnun.

Efnisflokkar: Samfélagsmál: Atvinnumál  |  Hagstjórn: Fjárreiður ríkisins  |  Mennta- og menningarmál: Menningarmál  |  Umhverfismál: Umhverfisstjórn og náttúruvernd