Markmið: Að gera stjórnvöldum kleift að koma í veg fyrir að erlendir aðilar öðlist eignarhlut, yfirráð eða veruleg áhrif yfir rekstraraðilum eða fasteignum hér á landi með þeim hætti að það ógni þjóðaröryggi eða allsherjarreglu.

Helstu breytingar og nýjungar: Lagt er til að stjórnvöld fái heimildir til að meta og taka afstöðu til fjárfestinga erlendra aðila í þýðingarmiklum samfélagsinnviðum og tengdri starfsemi með tilliti til sjónarmiða um þjóðaröryggi.

Breytingar á lögum og tengd mál: Um er að ræða ný lög en við gildistöku þeirra verða breytingar á lögum um fjárfestingu erlendra aðila í atvinnurekstri, nr. 34/1991.

Kostnaður og tekjur: Gert er ráð fyrir að útgjöld ríkissjóðs geti numið 5-10 milljónum kr. á ársgrundvelli.

Aðrar upplýsingar: Skýrsla stýrihóps um heildstæða löggjöf og stjórnsýslu varðandi jarðir, land og aðrar fasteignir. Forsætisráðuneytið, maí 2021.

Afgreiðsla: Frumvarpið var ekki afgreitt úr nefnd.

Efnisflokkar: Erlend samskipti: Alþjóðasamningar og utanríkismál  |  Samfélagsmál: Atvinnumál  |  Lög og réttur: Löggæsla og eftirlit  |  Atvinnuvegir: Viðskipti