Markmið: Að styrkja heimildir lögreglu til aðgerða í þágu afbrotavarna og öryggis ríkisins. Að efla eftirlit með lögreglu.

Helstu breytingar og nýjungar: Lagt er til að skýra og styrkja heimildir lögreglu til afbrotavarna og að mælt verði fyrir um innra gæðaeftirlit með störfum hennar. Einnig er lagt til að lögfesta starfsemi stýrihóps um skipulagða brotastarfsemi og setja skýrari reglur um vopnaburð lögreglu og móttöku erlends lögregluliðs.

Breytingar á lögum og tengd mál: Lögreglulög, nr. 90/1996.

Kostnaður og tekjur: Gert er ráð fyrir því að heildarkostnaður fyrir ríkissjóð nemi 125,1 milljón kr. 

Aðrar upplýsingar: Löggjöf á Norðurlöndum

Afgreiðsla: Samþykkt með nokkrum breytingum. Meðal annars voru heimildir lögreglu til eftirlits með einstaklingum sem tengjast skipulögðum brotasamtökum nánar afmarkaðar og þá var fallið frá því að nefnd um eftirlit með lögreglu hefði sérstakt eftirlit með aðgerðum lögreglu í þágu afbrotavarna. Í staðinn fer ríkissaksóknari með slíkt eftirlit.

Efnisflokkar: Lög og réttur: Löggæsla og eftirlit  |  Lög og réttur: Persónuleg réttindi  |  Atvinnuvegir: Tölvu- og upplýsingamál