Markmið: Að stuðla að því að rekstraraðilar, sem orðið hafa fyrir verulegu tekjufalli vegna náttúruhamfara í Grindavíkurbæ, geti viðhaldið nauðsynlegri lágmarksstarfsemi, varðveitt viðskiptasambönd og hafið starfsemi á ný með stuttum fyrirvara.

Helstu breytingar og nýjungar: Frumvarpið felur í sér að rekstraraðilar í Grindavík, sem orðið hafa fyrir 40% tekjufalli vegna náttúruhamfara, geti sótt um rekstrarstuðning úr ríkissjóði fyrir tímabilið nóvember 2023 til apríl 2024. Stuðningurinn getur numið rekstrarkostnaði eða margfeldi stöðugilda, allt að 10, og 600 þús. kr. per stöðugildi.

Breytingar á lögum og tengd mál: Um er að ræða ný lög.

Kostnaður og tekjur: Gert er ráð fyrir að heildarfjárhæð tímabundins rekstrarstuðnings á sex mánaða tímabili geti orðið um 1.600 til 2.700 milljónir kr.

Afgreiðsla: Samþykkt með nokkrum breytingum, t.a.m. þeirri að gildistími rekstrarstuðnings var lengdur til og með júní 2024.

Efnisflokkar: Samfélagsmál: Atvinnumál  |  Hagstjórn: Fjárreiður ríkisins  |  Hagstjórn: Skattar og tollar  |  Umhverfismál: Umhverfisstjórn og náttúruvernd