Markmið: Að tryggja heimildir ríkisskattstjóra til að veita aðgang að upplýsingum og gögnum úr fyrirtækjaskrá, ársreikningaskrá og skrá um raunverulega eigendur í gegnum samtengingarkerfi skráa.

Helstu breytingar og nýjungar: Lagt er til að ríkisskattstjóra sé heimilt að skiptast á upplýsingum við fyrirtækjaskrár annarra EES-ríkja í gegnum samtengingarkerfi miðlægra skráa og veita almennan aðgang að upplýsingum í vefgátt samtengingarkerfisins. Einnig er lagt til að ríkisskattstjóri skuli veita tilgreindum aðilum aðgang að tilgreindum upplýsingum í gegnum samtengingarkerfið. Frumvarpið felur í sér innleiðingu á ákvæðum Evrópugerða.

Breytingar á lögum og tengd mál: Lög um fyrirtækjaskrá, nr. 17/2003.

Kostnaður og tekjur: Gert er ráð fyrir kostnaði fyrir ríkissjóð en ekki kemur fram í frumvarpi hve mikill hann gæti orðið.

Aðrar upplýsingar:

Afgreiðsla: Samþykkt með nokkrum breytingum.

Efnisflokkar: Erlend samskipti: Alþjóðasamningar og utanríkismál  |  Hagstjórn: Fjárreiður ríkisins  |  Lög og réttur: Persónuleg réttindi  |  Hagstjórn: Skattar og tollar  |  Atvinnuvegir: Tölvu- og upplýsingamál  |  Atvinnuvegir: Viðskipti