Markmið: Að framlengja tímabundinn stuðning til greiðslu launa vegna náttúruhamfara í Grindavíkurbæ þar sem mikil óvissa ríkir vegna áframhaldandi jarðhræringa og eldsumbrota á Reykjanesskaga.

Helstu breytingar og nýjungar: Gert er ráð fyrir að það tímabil sem lögum um tímabundinn stuðning til greiðslu launa vegna náttúruhamfara í Grindavíkurbæ, nr. 87/2023, er ætlað að ná til verði lengt til 30. júní 2024 en tímabilið hefði að óbreyttu liðið undir lok 29. febrúar 2024.

Breytingar á lögum og tengd mál: Lög um tímabundinn stuðning til greiðslu launa vegna náttúruhamfara í Grindavíkurbæ, nr. 87/2023.

Kostnaður og tekjur: Gert er ráð fyrir auknum útgjöldum fyrir ríkissjóð sem nema um 960–1.400 milljónum kr. á mánuði.

Afgreiðsla: Samþykkt með lítils háttar breytingum.

Efnisflokkar: Samfélagsmál: Atvinnumál  |  Samfélagsmál: Félagsmál  |  Hagstjórn: Fjárreiður ríkisins