Markmið: Að herða reglur um skotvopn og takmarka aðgengi að þeim. Að innleiða tilskipun 2021/555/ESB um eftirlit með öflun og eign vopna.

Helstu breytingar og nýjungar: Lagt er til að ekki verði lengur veittar undanþágur frá banni við innflutningi á hálfsjálfvirkum og sjálfvirkum skotvopnum á grundvelli þess að um safnvopn sé að ræða. Þá er lagt til að öll skráning skotvopna verði bætt á þann veg að einhver verði skráður eigandi eða ábyrgðarmaður hvers einasta vopns. Lagt er til að öll skotvopn skuli geymd í sérútbúnum skáp. Gert er ráð fyrir að tilskipun 2021/555/ESB um eftirlit með öflun og eign vopna verði innleidd í íslenskan rétt. 

Breytingar á lögum og tengd mál:

Kostnaður og tekjur: Ekki er gert ráð fyrir áhrifum á útgjöld ríkissjóð sem nokkru nemur.

Aðrar upplýsingar: Tilskipun Evrópuþingsins og ráðsins (ESB) 2021/555 frá 24. mars 2021 um eftirlit með öflun og eign vopna.

Afgreiðsla: Samþykkt með minni háttar breytingum.

Efnisflokkar: Erlend samskipti: Alþjóðasamningar og utanríkismál  |  Lög og réttur: Löggæsla og eftirlit  |  Atvinnuvegir: Viðskipti