27. mál: Greiðsluaðlögun einstaklinga

27 | Greiðsluaðlögun einstaklinga (málsmeðferð og skilyrði)

154. þing | 1.12.2023 | Lagafrumvarp | Stjórnarmál Samþykkt

Umsagnir: 8 | Þingskjöl: 5 | Staða: Lokið

Samantekt

Markmið: Að betrumbæta úrræðið um greiðsluaðlögun einstaklinga, gera það heildstæðara, auka skýrleika og skilvirkni í málsmeðferð, umsækjendum til hagsbóta.

Helstu breytingar og nýjungar:

Frumvarpið felur í sér að greiðsluaðlögun verður heildstæðara úrræði með skýrari og skilvirkari málsmeðferð. Lagðar eru til heimildir til að taka ábyrgðarskuldbindingar vegna námslána inn í greiðsluaðlögun, rýmkun synjunarskilyrða svo að fleiri einstaklingar fái möguleika til að leita greiðsluaðlögunar, nýjar reglur um meðferð veðskulda og afmáningu veðréttinda á yfirveðsettum fasteignum. Þá er gert ráð fyrir að frestir verði styttir gagnvart kröfuhöfum og að skuldurum verði veittar auknar heimildir til að óska breytinga á samningi, ásamt sjálfkrafa ógildingu samninga við langvarandi vanskil.

Breytingar á lögum og tengd mál:

Lög um greiðsluaðlögun einstaklinga, nr. 101/2010.

Lög um fjárhagsaðstoð til greiðslu tryggingar fyrir kostnaði vegna gjaldþrotaskipta, nr. 9/2014.

Lög um gjaldþrotaskipti o.fl., nr. 21/1991.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Löggjöf á Norðurlöndum

Danmörk

Bekendtgørelse af konkursloven LBK nr 1600 af 25/12/2022.

Finnland

Lag om skuldsanering för privatpersoner 25.1.1993/57.

Noregur

Lov om frivillig og tvungen gjeldsordning for privatpersoner (gjeldsordningsloven) LOV-1992-07-17-99.

Svíþjóð

Skuldsaneringslag (2016:675).

Afgreiðsla: Samþykkt með lítils háttar breytingum.

Efnisflokkar: Hagstjórn: Efnahagsmál | Samfélagsmál: Félagsmál | Hagstjórn: Fjárreiður ríkisins | Lög og réttur: Persónuleg réttindi | Atvinnuvegir: Viðskipti

Þingskjöl

Umsagnir