Markmið: Að einfalda umsýslu og útgáfu sveinsbréfa svo að útgáfa bréfanna geti orðið að fullu rafræn þannig að þeim sem hafa fengið útgefið sveinsbréf verði gert auðveldara að sýna fram á réttindi sín og um leið neytendum gert auðveldara að staðreyna umrædd réttindi og skyldur.

Helstu breytingar og nýjungar: Lagt er til að útgáfa sveinsbréfa verði flutt frá ráðherra (háskóla-, iðnaðar- og nýsköpunarráðuneytinu) til sýslumanna.

Breytingar á lögum og tengd mál: Lög um handiðnað, nr. 42/1978.

Kostnaður og tekjur: Ekki er gert ráð fyrir áhrifum á ríkissjóð.

Afgreiðsla: Samþykkt með lítils háttar tæknilegri breytingu.

Efnisflokkar: Samfélagsmál: Atvinnumál  |  Hagstjórn: Fjárreiður ríkisins  |  Mennta- og menningarmál: Menntamál  |  Atvinnuvegir: Tölvu- og upplýsingamál