922. mál: Breyting á ýmsum lögum í þágu barna

922 | Breyting á ýmsum lögum í þágu barna (samþætting þjónustu o.fl.)

153. þing | 30.3.2023 | Lagafrumvarp | Stjórnarmál

Umsagnir: 5 | Þingskjöl: 1 | Nefnd: AM | Staða: Umsagnarfrestur liðinn (9.5.2023)

Samantekt

Markmið: Að samræma löggjöf við lög um samþættingu þjónustu í þágu farsældar barna, nr. 86/2021, og styrkja umgjörð um þjónustu og snemmtækan stuðning í þágu barna. Að auka vægi réttinda barna og tryggja betra samræmi við ákvæði barnasáttmála Sameinuðu þjóðanna.

Helstu breytingar og nýjungar:

Lagðar eru til breytingar sem miða að því að samræma hugtakanotkun laga á málefnasviði ráðuneytisins við ákvæði laga um samþættingu þjónustu í þágu farsældar barna. Einnig eru lagðar til breytingar til að tryggja samfellu og heildarsýn yfir þjónustukerfi og málefnasvið, tryggja snemmtækan stuðning og skýra skyldur þeirra aðila sem veita þjónustu í þágu barna.

Breytingar á lögum og tengd mál:

Lög um leikskóla, nr. 90/2008.

Lög um grunnskóla, nr. 91/2008.

Lög um framhaldsskóla, nr. 92/2008.

Íþróttalög, nr. 64/1998.

Æskulýðslög, nr. 70/2007.

Kostnaður og tekjur:

Þær breytingar sem eru lagðar til í frumvarpinu eru þess eðlis að þær rúmast innan þeirra fjárveitinga sem þegar eru ætlaðar í innleiðingu laga um samþættingu þjónustu í þágu farsældar barna og kalla ekki á aukin útgjöld.

Afgreiðsla: Frumvarpið var ekki afgreitt úr nefnd.

Efnisflokkar: Erlend samskipti: Alþjóðasamningar og utanríkismál | Samfélagsmál: Félagsmál | Hagstjórn: Fjárreiður ríkisins | Mennta- og menningarmál: Íþróttir og æskulýðsmál | Mennta- og menningarmál: Menntamál | Stjórnarskipan og stjórnsýsla: Sveitarstjórnarmál

Þingskjöl

Umsagnir