735. mál: Stefnur og aðgerðaáætlanir á sviði húsnæðis- og skipulagsmála o.fl.

735 | Stefnur og aðgerðaáætlanir á sviði húsnæðis- og skipulagsmála o.fl.

153. þing | 20.2.2023 | Lagafrumvarp | Stjórnarmál Samþykkt

Umsagnir: 7 | Þingskjöl: 5 | Staða: Lokið

Samantekt

Markmið: Að ná auknum árangri á sviði húsnæðis- og skipulagsmála, samgangna, byggðamála og sveitarstjórnarmála og hafa jákvæð áhrif á samfélagið allt með því að efla og samhæfa stefnumótun og áætlanagerð.

Helstu breytingar og nýjungar:

Lagðar eru til breytingar sem miða að því að ná fram markmiðum um aukna samhæfingu og aukin gæði einstakra áætlana á málefnasviðum innviðaráðuneytisins, skarpari pólitíska aðkomu að stefnumótun og bætt samráð og samtal við almenning og hagsmunaaðila. Í frumvarpinu er markaður rammi um þessa nýju sýn í stefnumótun og verklagi við undirbúning og gerð áætlana á þessu sviði. Kemur það í stað ákvæða um gerð samgönguáætlunar, stefnumótunar á sviði húsnæðismála, og byggðaáætlunar í gildandi lögum en auk þess eru lagðar til breytingar á skipulagslögum er varða gerð tillögu að landsskipulagstefnu en breytingar eiga að fela í sér einföldun lagareglna á þessu sviði.

Breytingar á lögum og tengd mál: Um er að ræða ný lög og við gildistöku þeirra falla úr gildi lög um samgönguáætlun, nr. 33/2008, og lög um byggðaáætlun og sóknaráætlanir, nr. 69/2015. Við gildistöku laganna verða jafnframt breytingar á lögum um húsnæðismál, nr. 44/1998, skiplagslögum, nr. 123/2010, og sveitarstjórnarlögum, nr. 138/2011.

Kostnaður og tekjur: Ekki er gert ráð fyrir beinum áhrifum á tekjur eða útgjöld ríkissjóðs.

Afgreiðsla: Samþykkt með lítils háttar breytingum.

Efnisflokkar: Samfélagsmál: Byggðamál | Samfélagsmál: Félagsmál | Samgöngumál: Samgöngur | Stjórnarskipan og stjórnsýsla: Sveitarstjórnarmál | Umhverfismál: Umhverfisstjórn og náttúruvernd

Þingskjöl

Umsagnir