Markmið: Að samræma og skýra heimildir fyrir gjaldtöku vegna opinbers eftirlits og þjónustu Matvælastofnunar ásamt því að bæta við nýjum gjaldtökuheimildum.

Helstu breytingar og nýjungar: Lagt er til að gjaldtökuheimildir Matvælastofnunar vegna eftirlits og þjónustu verði samræmdar og skýrðar. Þá er gert ráð fyrir að bætt verði við nýjum heimildum til gjaldtöku þar sem þær skortir.

Breytingar á lögum og tengd mál:

Kostnaður og tekjur: Frumvarpið sem slíkt hefur ekki sjálfkrafa fjárhagsáhrif á ríkissjóð. Samhliða gerð frumvarpsins hefur KPMG ásamt Matvælastofnun framkvæmt greiningu á raunkostnaði við eftirlit og þjónustu Matvælastofnunar. Á grundvelli þessarar greiningar verður gefin út ný gjaldskrá Matvælastofnunar um áramótin. Með hinni nýju gjaldskrá er lauslega gert ráð fyrir rekstrartekjur Matvælastofnunar aukist um 300–400 milljónir kr. á meðan útgjöld vegna eftirlits gætu hækkað um 100–200 milljónir kr. Þannig er gert ráð fyrir að afkoma ríkissjóðs batni um 100–200 milljónir kr., þar sem kostnaður sem áður var fjármagnaður beint úr ríkissjóði verður framvegis fjármagnaður með lögbundnum rekstrartekjum.

Afgreiðsla: Samþykkt með lítils háttar breytingum.

Efnisflokkar: Hagstjórn: Fjárreiður ríkisins  |  Heilsa og heilbrigði: Heilbrigðiseftirlit  |  Atvinnuvegir: Landbúnaður  |  Atvinnuvegir: Sjávarútvegur  |  Hagstjórn: Skattar og tollar  |  Umhverfismál: Umhverfisstjórn og náttúruvernd