Að skýra og styrkja heimildir lögreglu til að viðhafa aðgerðir í þágu afbrotavarna. Að efla eftirlit með lögreglu.

Meginbreytingar frumvarpsins lúta að því að lögreglu sé heimilt að nota þær upplýsingar sem hún býr yfir á hverjum tíma til greininga í þágu afbrotavarna. Jafnframt er lagt til að skerpt verði á heimildum lögreglu til að afla upplýsinga og viðhafa eftirlit í því skyni að draga úr brotastarfsemi. Gert er ráð fyrir að eftirlit með störfum lögreglu verði eflt með því að setja á fót innra gæðaeftirlit hjá embætti ríkislögreglustjóra og fela nefnd um eftirlit með störfum lögreglum að hafa eftirlit með tilteknum aðgerðum lögreglu í þágu afbrotavarna. Þá er lagt til sérstakt ákvæði um meðferð og notkun vopna hjá lögreglu auk þess sem sett er lagastoð fyrir nánari reglur þess efnis.