Markmið: Að stuðla að áframhaldandi uppgangi íslensks tónlistariðnaðar með því að framlengja gildistíma laga nr. 110/2016 og styðja þannig innviði greinarinnar.

Helstu breytingar og nýjungar: Lagt er til að þjónustuaðilar geti sótt um endurgreiðslu hluta kostnaðar sem fellur til við hljóðritun hér á landi. Þá er lagt til að framlengja gildistíma laganna til ársins 2027.

Breytingar á lögum og tengd mál: Lög um tímabundnar endurgreiðslur vegna hljóðritunar á tónlist, nr. 110/2016.

Kostnaður og tekjur: Ekki er gert ráð fyrir að breytingar á lögunum muni auka útgjöld ríkissjóðs en útgjöld geta breyst í samræmi við breytta eftirspurn eftir endurgreiðslum. Áætlað er að árleg fjárveiting á fjárlögum til endurgreiðslna verði svipuð og verið hefur, um 51,5–81 milljónir kr. á ári.

Afgreiðsla: Samþykkt óbreytt.

Efnisflokkar: Samfélagsmál: Atvinnumál  |  Hagstjórn: Fjárreiður ríkisins  |  Mennta- og menningarmál: Menningarmál  |  Hagstjórn: Skattar og tollar  |  Atvinnuvegir: Viðskipti