1156. mál: Breyting á ýmsum lögum til samræmis við verðbólgumarkmið Seðlabanka Íslands

1156 | Breyting á ýmsum lögum til samræmis við verðbólgumarkmið Seðlabanka Íslands (laun þjóðkjörinna fulltrúa og embættismanna)

153. þing | 6.6.2023 | Lagafrumvarp | Stjórnarmál Samþykkt

Umsagnir: 1 | Þingskjöl: 5 | Staða: Lokið

Samantekt

Markmið: Að stuðla að minni verðbólguþrýstingi í samfélaginu.

Helstu breytingar og nýjungar:

Lagt er til að laun þjóðkjörinna fulltrúa (forseta Íslands og alþingismanna) og tiltekinna embættismanna hækki um 2,5% frá og með 1. júlí 2023, í samræmi við verðbólgumarkmið Seðlabanka Íslands, í stað 6% sem er meðaltalshækkun reglulegra launa ríkisstarfsmanna á árinu 2022 samkvæmt viðmiði og útreikningum Hagstofunnar.

Breytingar á lögum og tengd mál:

Lög um laun forseta Íslands, nr. 10/1990.

Lög um þingfararkaup alþingismanna og þingfararkostnað, nr. 88/1995.

Lög um Stjórnarráð Íslands, nr. 115/2011.

Lög um dómstóla, nr. 50/2016.

Lög um meðferð sakamála, nr. 88/2008.

Lög um Seðlabanka Íslands, nr. 92/2019.

Lög um stéttarfélög og vinnudeilur, nr. 80/1938.

Kostnaður og tekjur: Kostnaður ríkissjóðs af 6% hækkun launa hefði orðið um 289 milljónir kr. á ári en með 2,5% hækkun er áætlaður kostnaður 120 milljónir kr. á ári, sem leiðir til lækkunar á útgjöldum ríkissjóðs um 169 milljónir kr. á ársgrundvelli.

Afgreiðsla: Samþykkt með lítils háttar breytingum.

Efnisflokkar: Stjórnarskipan og stjórnsýsla: Alþingi | Samfélagsmál: Atvinnumál | Hagstjórn: Efnahagsmál | Samfélagsmál: Félagsmál | Hagstjórn: Fjárreiður ríkisins

Þingskjöl

Umsagnir