Markmið: Að laga tiltekin ákvæði laganna að tækniframförum í rafrænum samskiptum og landsskipulagsstefnu 2015–2026. Að bæta nýtingu og einfalda ákvarðanatöku vegna aðlögunar húsnæðis að þörfum eigenda fjölbreytts húsnæðis.

Helstu breytingar og nýjungar: Lagt er til að eigendum fjöleignarhúsa verði heimilað að halda rafræna húsfundi og nota rafræn skjöl og tölvupósta í samskiptum milli stjórnar og félagsmanna. Þá er lagt til að húsfélögum í fjöleignarhúsum, þar sem bæði er að finna íbúðir og húsnæði sem nýtt er fyrir atvinnustarfsemi, verði heimilað að víkja frá ákvæðum laganna með setningu sérstakra húsfélagssamþykkta.

Breytingar á lögum og tengd mál: Lög um fjöleignarhús, nr. 26/1994.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Þingsályktun um landsskipulagsstefnu 2015–2026, nr. 19/145.

Afgreiðsla: Samþykkt með fáeinum breytingum sem voru tæknilegs eðlis.

Efnisflokkar: Samfélagsmál: Byggðamál  |  Samfélagsmál: Félagsmál  |  Atvinnuvegir: Tölvu- og upplýsingamál  |  Atvinnuvegir: Viðskipti