Að setja skýrar reglur um heimildir til sölu, markaðssetningar og notkunar á nikótínvörum og fella það undir sömu reglur og gilda samkvæmt lögum um rafrettur og áfyllingar fyrir rafrettur.

Lagt er til að settar verði heildstæðar reglur um heimildir til innflutnings, sölu og markaðssetningar á nikótínvörum, auk reglna um eftirlit með slíkum vörum til að tryggja viðhlítandi öryggi. Lagðar eru til breytingar varðandi rafrettur í þeim tilgangi að skýra frekar eftirlit með auglýsingabanni því sem kveðið er á um í lögunum. Jafnframt er gert ráð fyrir að sá hluti laganna er lýtur að almennum eftirlits- og valdheimildum verði endurskoðaður. Þá eru lögð til ný­mæli til að koma á sambærilegri umgjörð um innflutning, sölu og eftirlit með nikótínvörum, m.a. nikótín­púðum, á Íslandi með hliðsjón af þeim reglum er gilda í Evrópu, sér í lagi á Norðurlöndunum.

Ekki er gert ráð fyrir verulegum útgjöldum fyrir ríkissjóð. Mat á fjárhagslegum áhrifum verður endurskoðað nánar við gerð fjárlaga 2022 þegar ítarlegri gögn liggja fyrir.