706. mál: Ráðstafanir í kjölfar samnings við Bandaríkin um skil á varnarsvæðinu á Keflavíkurflugvelli

Samantekt

Markmið: Að fella brott lagaákvæði sem hafa ekki lengur neitt hlutverk.

Helstu breytingar og nýjungar:

Þróunarfélag Keflavíkurflugvallar ehf. (Kadeco) hefur lokið þeim verkefnum sem því voru falin með lögum nr. 176/2006. Þá er öðrum tímabundnum ráðstöfunum samkvæmt lögunum einnig lokið. Með frumvarpinu er því m.a. lagt til að felld verði úr gildi lagaákvæði sem fjallar um hlutverk Þróunarfélagsins. Jafnframt er lagt til að felld verði úr gildi ákvæði varðandi umbreytingaráðstafanir sem telja verður lokið. Þá er lagt til að heiti laganna verði breytt til að endurspegla efnisatriði lagaákvæða sem eftir standa.

Breytingar á lögum og tengd mál: Lög um ráðstafanir í kjölfar samnings við Bandaríkin um skil á varnarsvæðinu á Keflavíkurflugvelli, nr. 176/2006.

Lög um mat á umhverfisáhrifum, nr. 106/2000.

Lög um stofnun opinbers hlutafélags um rekstur Keflavíkurflugvallar o.fl., nr. 76/2008.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar:

Samkomulag um skipulag, þróun og hagnýtingu lands í nágrenni Keflavíkurflugvallar. Fjármála- og efnahagsráðuneytið, 16. desember 2019.

Þróunarfélag Keflavíkurflugvallar (Kadeco).

Afgreiðsla: Samþykkt með breytingum sem voru tæknilegs eðlis.

Efnisflokkar: Erlend samskipti: Alþjóðasamningar og utanríkismál | Hagstjórn: Fjárreiður ríkisins | Samgöngumál: Samgöngur | Stjórnarskipan og stjórnsýsla: Sveitarstjórnarmál

706 | Ráðstafanir í kjölfar samnings við Bandaríkin um skil á varnarsvæðinu á Keflavíkurflugvelli (niðurfelling ákvæða)

Þingskjöl