703. mál: Vísinda- og nýsköpunarráð

Samantekt

Markmið: Að efla vísindastarf, tækniþróun og nýsköpun hér á landi svo að styrkja megi íslenskt þekkingarsamfélag og auka samkeppnishæfni íslensks atvinnulífs með því að efla stefnumótun og auka samhæfingu á sviði vísinda, nýsköpunar og tækni.

Helstu breytingar og nýjungar:

Með frumvarpinu er lagaumhverfi Vísinda- og tækniráðs endurskoðað. Veigamesta breytingin á núverandi fyrirkomulagi sem lögð er til er að aðskilja ráðgefandi og stefnumótandi hlutverks ráðsins svo að annars vegar sé starfandi ráðherranefnd um vísindi og nýsköpun og hins vegar sjálfstætt og faglegt Vísinda- og nýsköpunarráð sem sé ráðgefandi. Þá er lagt til að innan ráðuneytisins starfi sjálfstæðir sérfræðingar á sviði greiningar, mats og úttekta á sviði vísinda, nýsköpunar og tækni sem styðji starfsemi beggja og styrki þannig grunn stefnumótunar. Gert er ráð fyrir að nafni ráðsins verði breytt í Vísinda- og nýsköpunarráð.

Breytingar á lögum og tengd mál: Um er að ræða ný lög og við gildistöku þeirra falla úr gildi lög um Vísinda- og tækniráð, nr. 2/2003. Við gildistöku laganna verða jafnframt breytingar á lögum um opinberan stuðning við vísindarannsóknir, nr. 3/2003, lögum um opinberan stuðning við tæknirannsóknir, nýsköpun og atvinnuþróun, nr. 75/2007, lögum um Stjórnarráð Íslands, nr. 115/2011, lögum um Landsbókasafn Íslands, nr. 142/2011, og lögum um vandaða starfshætti í vísindum, nr. 70/2019.

Kostnaður og tekjur: Gert er ráð fyrir að árleg útgjöld ríkissjóðs aukist um u.þ.b. 20 milljónir kr.

Aðrar upplýsingar:

Breytt lagaumhverfi Vísinda- og tækniráðs. Tillaga verkefnishóps. Forsætisráðuneytið, ágúst 2020.

Afgreiðsla: Frumvarpið var ekki afgreitt úr nefnd.

Efnisflokkar: Hagstjórn: Fjárreiður ríkisins | Mennta- og menningarmál: Menntamál

703 | Vísinda- og nýsköpunarráð

Þingskjöl

Umsagnir