Lagt er til að skerpt verði á nokkrum skilgreiningum og að skýrar sé kveðið á um að eitt af markmiðum raforkulaga sé að tryggja raforkuöryggi. Þá er lagt til að skýrð verði betur nokkur atriði er lúta að setningu tekjumarka og að sveigjanleiki verði aukinn á tilfærslu of- eða vantekinna gjalda samkvæmt tekjumörkum milli ára í ljósi aðstæðna. Enn fremur er lagt til að einfalda og auka skýrleika varðandi heimild til ákvörðunar hagræðingarkröfu á flutningsfyrirtækið Landsnet og dreifiveitur (sérleyfisfyrirtæki) við ákveðnar aðstæður, einfalda og auka skilvirkni varðandi framlagningu kerfisáætlunar, kveða skýrar á um varaafl og hlutverk Orkustofnunar varðandi eftirlit með því, auk annarra minni háttar atriða.

Lög um stofnun Landsnets hf., nr. 75/2004.