538. mál: Nýting á landi í eigu ríkisins í atvinnuskyni

538 | Nýting á landi í eigu ríkisins í atvinnuskyni

151. þing | 16.2.2021 | Lagafrumvarp | Stjórnarmál Samþykkt

Umsagnir: 13 | Þingskjöl: 4 | Staða: Lokið

Samantekt

Markmið: Að tryggja vönduð og fagleg vinnubrögð við ákvörðun um hvort gera eigi sérleyfis- eða rekstrarleyfissamning á tilteknu landsvæði í eigu íslenska ríkisins.

Helstu breytingar og nýjungar:

Með frumvarpinu er markaður lagarammi utan um undirbúning, gerð og eftirfylgni með samningum vegna nýtingar á landsvæðum í eigu ríkisins. Í frumvarpinu er samningum skipt í þrjár samningstegundir: 1) sérleyfissamninga, sem ganga lengst í nýtingu, bæði er varðar umfang og tímalengd; 2) rekstrarleyfissamninga, sem svipar til sérleyfissamninga en fela ekki í sér eins yfirgripsmikil afnot af landinu; og 3) nýtingarsamninga, sem ekki er ætlað að takmarka fjölda fyrirtækja á svæðinu.

Breytingar á lögum og tengd mál: Um er að ræða ný lög en við gildistöku þeirra verða breytingar á lögum um þjóðgarðinn á Þingvöllum, nr. 47/2004, og lögum um Vatnajökulsþjóðgarð, nr. 60/2007.

Kostnaður og tekjur: Gert er ráð fyrir óverulegum kostnaði fyrir ríkissjóð samanborið við aukna tekjumöguleika og annað hagræði sem það getur skilað við úthlutun á rétti til nýtingar á landi.

Afgreiðsla: Samþykkt með minni háttar breytingum.

Efnisflokkar: Atvinnuvegir: Ferðaþjónusta | Hagstjórn: Fjárreiður ríkisins

Þingskjöl

Umsagnir