Markmið: Að lágmarka áhrif kórónuveirufaraldursins á innlenda framleiðslu landbúnaðarafurða.

Helstu breytingar og nýjungar: Lagt er til að gerðar verði tímabundnar breytingar á lagaumhverfi við úthlutun samningsbundinna tollkvóta. Þá er lagt til að upptalning á númerum í 1. mgr. 65. gr. breytist í samræmi við breytingar sem gerðar voru á tollskrá í byrjun árs 2020. 

Breytingar á lögum og tengd mál: Búvörulög, nr. 99/1993.

Kostnaður og tekjur: Ekki er gert ráð fyrir áhrifum á útgjöld ríkissjóðs en áætlað er að frumvarpið geti haft í för með sér tímabundin áhrif á tekjur ríkissjóðs til hækkunar.

Afgreiðsla: Samþykkt með þeirri breytingu helstri að gildistími þess bráðabirgðaákvæðis sem lagt er til með 2. gr. verði lengdur um sex mánuði og eldra fyrirkomulag við útboð tollkvóta gildi því til 1. ágúst 2022.

Efnisflokkar: Erlend samskipti: Alþjóðasamningar og utanríkismál  |  Atvinnuvegir: Ferðaþjónusta  |  Atvinnuvegir: Landbúnaður  |  Hagstjórn: Skattar og tollar  |  Atvinnuvegir: Viðskipti