321. mál: Tækniþróunarsjóður

321 | Tækniþróunarsjóður

151. þing | 19.11.2020 | Lagafrumvarp | Stjórnarmál Samþykkt

Umsagnir: 11 | Þingskjöl: 4 | Staða: Lokið

Samantekt

Markmið:

Að flytja ákvæði um Tækniþróunarsjóð í sérlöggjöf svo að tryggður sé lagagrundvöllur fyrir starfsemi hans.

Helstu breytingar og nýjungar:

Lagt er til að sett verði sérlög um Tækniþróunarsjóð. Ekki eru lagðar til efnislegar breytingar á ákvæðum um sjóðinn í núgildandi lögum um opinberan stuðning við tæknirannsóknir, nýsköpun og atvinnuþróun, nr. 75/2007, fyrir utan þá viðbót að skýrt er tekið fram að Tækniþróunarsjóði sé heimilt að styrkja rannsóknir og tækniþróun í samstarfi við erlenda sjóði.

Breytingar á lögum og tengd mál: Um er að ræða ný lög.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Tækniþróunarsjóður.

Afgreiðsla:

Samþykkt með fáeinum breytingum. Ákvæði um heimild Tækniþróunarsjóðs til eignarhalds í sprotafyrirtækjum var felld brott. Bætt var við ákvæði þar sem skýrt er kveðið á um heimild stjórnar Tækniþróunarsjóðs til þátttöku í alþjóðlegum samfjármögnuðum verkefnum og að heimilt sé að byggja úthlutun styrkja á mati fagráða sem skipuð eru sameiginlega af samstarfsaðilum.

Efnisflokkar: Samfélagsmál: Atvinnumál | Hagstjórn: Fjárreiður ríkisins | Mennta- og menningarmál: Menntamál

Þingskjöl

Umsagnir