Markmið: Að lækka kosningaaldur í 16 ár í sveitarstjórnarkosningum.

Helstu breytingar og nýjungar: Lagt er til að hver íslenskur ríkisborgari sem hefur náð 16 ára aldri á kjördag í sveitarstjórnarkosningum fái kosningarrétt. Einnig er gert ráð fyrir að ríkisborgarar Norðurlandanna, sem hafa átt lögheimili hér á landi í þrjú ár samfellt fyrir kjördag, og aðrir erlendir ríkisborgarar, sem átt hafa lögheimili hér á landi í fimm ár samfellt fyrir kjördag, og náð hafa 16 ára aldri á kjördag eigi kosningarrétt í sveitarstjórnarkosningum.

Breytingar á lögum og tengd mál: Lög um kosningar til sveitarstjórna, nr. 5/1998.

Kostnaður og tekjur: Kemur ekki fram í frumvarpi.

Aðrar upplýsingar:

Afgreiðsla: Frumvarpið var ekki afgreitt úr nefnd.

Efnisflokkar: Stjórnarskipan og stjórnsýsla: Stjórnkerfi og stjórnarskipunarmál  |  Stjórnarskipan og stjórnsýsla: Sveitarstjórnarmál