Markmið: Að tryggja að lífi og heilsu íbúa sveitarfélaga verði ekki ógnað þrátt fyrir verkföll þeirra stéttarfélaga sem gera kjarasamninga skv. lögum um stéttarfélög og vinnudeilur, nr. 80/1938.

Helstu breytingar og nýjungar: Lagt er til að lögfest verði að hvert sveitarfélag skuli birta skrá yfir störf hjá sveitarfélaginu sem heimild til verkfalls samkvæmt lögum um stéttarfélög og vinnudeilur, nr. 80/1938, nær ekki til. Þá er lagt til að skýrt verði kveðið á um að slík skrá skuli taka til starfa þeirra sem sinna nauðsynlegustu heilbrigðis- og öryggisþjónustu sem hlutaðeigandi sveitarfélag veitir íbúum.

Breytingar á lögum og tengd mál: Um er að ræða ný lög.

Kostnaður og tekjur: Ekki er gert ráð fyrir áhrifum á ríkissjóð.

Afgreiðsla: Samþykkt óbreytt.

Efnisflokkar: Samfélagsmál: Atvinnumál  |  Samfélagsmál: Félagsmál  |  Heilsa og heilbrigði: Heilbrigðismál  |  Stjórnarskipan og stjórnsýsla: Sveitarstjórnarmál