Markmið: Að heimila þátttöku Íslands í samtökum um evrópska rannsóknarinnviði.

Helstu breytingar og nýjungar: Lagt er til að innleidd verði reglugerð ráðsins (EB) nr. 723/2009 um lagaramma Bandalagsins um samtök um evrópska rannsóknainnviði (ERIC) ásamt reglugerð ráðsins (ESB) nr. 1261/2013 um breytingu á reglugerð (EB) nr. 723/2009. Einnig er kveðið á um skráningu, umsóknarferli um stofnun ERIC-samtaka á Íslandi eða þátttöku í ERIC-samtökum staðsettum erlendis og reglugerðarheimild ráðherra. 

Breytingar á lögum og tengd mál: Um er að ræða ný lög.

Kostnaður og tekjur: Möguleg fjárhagsleg áhrif á ríkissjóð geta verið tvenns konar, annars vegar vegna ERIC-samtaka á Íslandi og hins vegar vegna þátttöku Íslands í erlendum ERIC-samtökum erlendis. Á næstu árum verður kostnaður ríkissjóðs eingöngu vegna þátttöku Íslands í erlendum ERIC-samtökum og er áætlað að árlegur kostnaður verði 15-17,5 milljónir kr. en 48-50,5 milljónir kr. annað hvert ár.

Aðrar upplýsingar: Reglugerð ráðsins (EB) nr. 723/2009 frá 25. júní 2009 um lagaramma Bandalagsins um samtök um evrópska rannsóknainnviði (ERIC).

Afgreiðsla: Samþykkt með minni háttar orðalagsbreytingum.

Efnisflokkar: Erlend samskipti: Alþjóðasamningar og utanríkismál  |  Mennta- og menningarmál: Menntamál