Markmið: Að auka lífsgæði og bæta heilsufar þeirra sem neyta ávana- og fíkniefna í æð. Að draga úr neyslu ávana- og fíkniefna utandyra á almannafæri.

Helstu breytingar og nýjungar: Lagt er til að heimilað verði að stofna og reka neyslurými þar sem einstaklingar geta neytt ávana- og fíkniefna þar sem fyllsta hreinlætis er gætt án þess að vera refsað fyrir að vera með efnin á sér til eigin neyslu.

Breytingar á lögum og tengd mál: Lög um ávana- og fíkniefni, nr. 65/1974.

Kostnaður og tekjur: Áætlað er að heilbrigðisráðuneytið muni í fyrstu veita 50 milljóna kr. styrk vegna reksturs neyslurýmis en beinn kostnaður er óverulegur og hlýst af leyfisveitingum embættis landlæknis og eftirliti þess.

Afgreiðsla: Við 2. umræðu var samþykkt að vísa málinu til ríkisstjórnarinnar til frekari vinnslu.

Efnisflokkar: Heilsa og heilbrigði: Heilbrigðismál