634. mál: Rafræn auðkenning og traustþjónusta fyrir rafræn viðskipti

Samantekt

Markmið: Að tryggja að örugg rafræn auðkenning og sannvottun sé möguleg til aðgangs að nettengdri þjónustu yfir landamæri sem aðildarríki á Evrópska efnahagssvæðinu bjóða einstaklingum og lögaðilum. Að auka traust í rafrænum viðskiptum með því að kveða á um réttaráhrif og kröfur til rafrænna auðkenningarleiða og traustþjónustu.

Helstu breytingar og nýjungar:

Lagt er til að reglugerð Evrópusambandsins um rafræna auðkenningu og traustþjónustu fyrir rafræn viðskipti á innri markaðnum verði veitt lagagildi hér á landi. Reglugerðin nær til fleiri tegunda traustþjónustu en áður auk þess að fjalla um rafræna auðkenningu og skjöl og gagnkvæma auðkenningu á rafrænum auðkenningarleiðum yfir landamæri. Lagt er til Neytendastofu sé falið hlutverk eftirlitsstofnunar með nauðsynlegum valdheimildum og fullnægjandi bolmagni til að inna af hendi verkefni sín í samræmi við 17. gr. reglugerðarinnar. Auk þess er gert ráð fyrir að ráðherra fái heimild til að setja reglugerðir til að innleiða framkvæmdargerðir og framseldar gerðir framkvæmdastjórnar Evrópusambandsins sem byggja á reglugerðinni og teknar verða upp í EES-samninginn.

Breytingar á lögum og tengd mál: Um er að ræða ný lög og við gildistöku þeirra falla úr gildi lög um rafrænar undirskriftir, nr. 28/2001. Við gildistöku laganna verða jafnframt breytingar á lögum um aðgerðir gegn peningaþvætti og fjármögnun hryðjuverka, nr. 140/2018, stjórnsýslulögum, nr. 37/1993, og lögum um opinber innkaup, nr. 120/2016.

Kostnaður og tekjur: Gert er ráð fyrir óverulegum áhrifum á ríkissjóð.

Aðrar upplýsingar: Reglugerð Evrópuþingsins og ráðsins (ESB) nr. 910/2014 frá 23. júlí 2014 um rafræna auðkenningu og traustþjónustu fyrir rafræn viðskipti á innri markaðnum og um niðurfellingu á tilskipun 1999/93/EB.

Ákvörðun sameiginlegu EES-nefndarinnar nr. 22/2018 frá 9. febrúar 2018.

Löggjöf á Norðurlöndum

Danmörk

Lov om supplerende bestemmelser til forordning om elektronisk identifikation og tillidstjenester til brug for elektroniske transaktioner på det indre marked LOV nr 617 af 08/06/2016.

Noregur

Lov om gjennomføring av EUs forordning om elektronisk identifikasjon og tillitstjenester for elektroniske transaksjoner i det indre marked (lov om elektroniske tillitstjenester) LOV-2018-06-15-44.

Svíþjóð

Lag med kompletterande bestämmelser till EU:s förordning om elektronisk identifiering (2016:561).

Afgreiðsla: Samþykkt með lítils háttar breytingum.

Efnisflokkar: Erlend samskipti: Alþjóðasamningar og utanríkismál | Atvinnuvegir: Tölvu- og upplýsingamál | Atvinnuvegir: Viðskipti

634 | Rafræn auðkenning og traustþjónusta fyrir rafræn viðskipti

Þingskjöl

Umsagnir