Markmið: Að kveða á um álagningu stjórnvaldssekta til að stuðla að betri framfylgd laganna hjá rekstraraðilum.

Helstu breytingar og nýjungar: Lagt er til að Umhverfisstofnun fái heimildir til að leggja stjórnvaldssektir á einstaklinga eða lögaðila, sem brjóta gegn tilteknum ákvæðum laganna eða ákvörðunum teknum samkvæmt þeim. Einnig er gert ráð fyrir að tilteknum rekstraraðilum verði gert skylt að skila árlega til Umhverfisstofnunar tilteknum upplýsingum, m.a. um losun mengandi efna frá hverri starfsstöð og upplýsingum um hráefnanotkun. Þá er lagt til að einfalda ferli við veitingu tímabundinnar undanþágu frá kröfu um starfsleyfi og að útgefanda starfsleyfis verði gefin heimild til þess að framlengja gildistíma eldra starfsleyfis tímabundið.

Breytingar á lögum og tengd mál: Lög um hollustuhætti og mengunarvarnir, nr. 7/1998.

Kostnaður og tekjur: Ekki er gert ráð fyrir áhrifum á ríkissjóð. 

Aðrar upplýsingar: Skýrsla um eftirfylgni: Sorpbrennslur með undanþágu frá tilskipun ESB. Ríkisendurskoðun, mars 2014.

Afgreiðsla: Samþykkt með minni háttar breytingum.

Efnisflokkar: Umhverfismál: Mengun  |  Umhverfismál: Umhverfisstjórn og náttúruvernd