Markmið: Að lagfæra þann annmarka á gildandi lögum að ef rekstrarleyfi fiskeldisstöðvar er fellt úr gildi er eina úrræði Matvælastofnunar að stöðva starfsemina. 

Helstu breytingar og nýjungar: Gert er ráð fyrir að í þeim tilvikum sem rekstrarleyfi er fellt úr gildi geti ráðherra að fenginni umsögn Matvælastofnunar, enda mæli ríkar ástæður með, gefið út rekstrarleyfi til bráðabirgða til allt að tíu mánaða. Það skilyrði er sett að umsókn þurfi að berast innan þriggja vikna frá því að úrskurður var kveðinn upp. Gert er ráð fyrir að rekstrarleyfið megi endurútgefa einu sinni. Lagt er til að Matvælastofnun skuli ekki stöðva rekstur fiskeldisstöðvar fyrr en fyrir liggur hvort sótt verði um rekstrarleyfi til bráðabirgða.

Breytingar á lögum og tengd mál: Lög um fiskeldi, nr. 71/2008.

Kostnaður og tekjur: Hefur ekki áhrif á ríkissjóð.

Aðrar upplýsingar: Úrskurðir úrskurðarnefndar umhverfis- og auðlindamála í málum nr. 3/2018 (Arctic Sea Farm) og nr. 5/2018 (Fjarðalax).

Afgreiðsla: Samþykkt með minni háttar breytingum.

Efnisflokkar: Atvinnuvegir: Landbúnaður  |  Atvinnuvegir: Viðskipti