Markmið: Að skipta velferðarráðuneyti upp í heilbrigðisráðuneyti og félagsmálaráðuneyti.

Helstu breytingar og nýjungar: Gert er ráð fyrir að stjórnarmálefni velferðarráðuneytisins muni skiptast á milli heilbrigðisráðuneytis og félagsmálaráðuneytis með sama hætti og þau skiptast nú á milli heilbrigðisráðherra og félags- og jafnréttismálaráðherra samkvæmt forsetaúrskurði nr. 85/2017, um skiptingu starfa ráðherra, að því undanskildu að jafnréttismál, þ.á.m. málefni einstaklinga með kynáttunarvanda, flytjast til forsætisráðuneytisins og málefni mannvirkja sem nú heyra undir umhverfis- og auðlindaráðuneytið flytjast til nýstofnaðs ráðuneytis félagsmála. Við breytinguna er ráðgert að embættistitill ráðherra félagsmála verði félags- og barnamálaráðherra. 

Kostnaður og tekjur: Uppskipting velferðarráðuneytisins hefur í för með sér rekstrarlegan aðskilnað sem felur í sér aukinn rekstrarkostnað en ekki liggur fyrir hversu hár hann verður. 

Afgreiðsla: Samþykkt óbreytt.

Efnisflokkar: Stjórnarskipan og stjórnsýsla: Stjórnkerfi og stjórnarskipunarmál