Markmið: Að setja ramma utan um stofnunina Þjóðskrá Íslands, verkefni hennar og hlutverk.

Helstu breytingar og nýjungar: Í frumvarpinu er að finna yfirlit yfir verkefni stofnunarinnar á einum stað. Ekki er lengur gert ráð fyrir að stjórn sé yfir Þjóðskrá Íslands. Gert er ráð fyrir að stofnunin hafi heimild til að bjóða fram sérþekkingu sína á alþjóðamarkaði.

Breytingar á lögum og tengd mál: Um er að ræða ný lög, en með gildistöku laganna verða breytingar á lögum um skráningu og mat fasteigna, nr. 6/2001, lögum um kosningar til Alþingis, nr. 24/2000, lögum um kosningar til sveitarstjórna, nr. 5/1998 og lögum um framkvæmd þjóðaratkvæðagreiðslna, nr. 91/2010.

Kostnaður og tekjur: Ekki er gert ráð fyrir neinum áhrifum á tekjur né útgjöld ríkissjóðs.

Aðrar upplýsingar: Þjóðskrá Íslands

Afgreiðsla: Frumvarpið var samþykkt með fáeinum breytingum.

Efnisflokkar: Hagstjórn: Fjárreiður ríkisins  |  Lög og réttur: Persónuleg réttindi  |  Hagstjórn: Skattar og tollar