Markmið: Að samræma lífeyriskerfi opinberra starfsmanna og starfsmanna á almennum markaði.

Helstu breytingar og nýjungar: Ávinnsla lífeyrisréttinda verður aldurstengd og lífeyrisaldur hækkaður í 67 ár þannig að lífeyrisjóðurinn (A-deild) verði sjálfbær og án ríkisábyrgðar. Ávöxtun sjóðsins ákvarðar lífeyrisgreiðslur. Engar breytingar verða á B-deild lífeyrissjóðsins.

Breytingar á lögum og tengd mál: Breyta á lögum um Lífeyrissjóð starfsmanna ríkisins nr. 1/1997.

Kostnaður og tekjur: Heildarkostnaður hins opinbera er um 130 milljarðar króna og þar af leggur ríkissjóður til um 120 milljarða. Ekki liggur fyrir hvernig framlag ríkissjóðs verður fjármagnað.

Aðrar upplýsingar: Samkomulag um nýtt sjálfbært lífeyriskerfi. 

Efnisflokkar: Samfélagsmál: Atvinnumál  |  Samfélagsmál: Félagsmál  |  Hagstjórn: Fjárreiður ríkisins