Á eftir 78. gr. stjórnarskrárinnar koma þrjár nýjar greinar sem fjalla um umhverfisvernd, þjóðareign á náttúruauðlindum og þjóðaratkvæðagreiðslur á grundvelli undirskrifta almennra kjósenda.
Lagt er til að við stjórnarskrána verði bætt ákvæði um umhverfi og náttúru. Mælt verði fyrir um náttúruvernd, rétt til heilnæms umhverfis, almannarétt og upplýsinga- og þátttökurétt. Þá er lagt til að bætt verði við ákvæði um auðlindir náttúru Íslands. Sett er fram almennt ákvæði um að auðlindir náttúru Íslands tilheyri íslensku þjóðinni og jafnframt kveðið á um meginforsendur auðlindanýtingar, mælt fyrir um þjóðareign á náttúruauðlindum og landsréttindum sem ekki eru háð einkaeignarrétti, sett skilyrði fyrir veitingu heimilda til nýtingar auðlinda og landsréttinda í eigu ríkisins og í þjóðareign og kveðið á um skyldu ríkisins til þess að taka að jafnaði eðlilegt gjald fyrir. Í frumvarpinu er auk þess lagt til að bætt verði við ákvæði um að 15% kosningarbærra manna geti knúið fram þjóðaratkvæðagreiðslu um nýsamþykkt lög frá Alþingi sem hlotið hafa staðfestingu forseta Íslands. 

Breytingar á stjórnarskrá frá 1944. Tenglar í frumvörp um breytingar á stjórnarskrá lýðveldisins Íslands sem hafa orðið að lögum frá 1944. Alþingi.

Efni um stjórnarskrármál. Alþingi.

Vefur Stjórnlagaráðs 2011.

Danmarks riges Grundlov. Foketinget 2009.

Danmarks riges Grundlov (Grundloven) Lov nr. 169 af 05/06/1953.

Kongeriget Norges Grunnlov LOV-1814-05-17.

Grundlagarna Sveriges riksdag.

Kungörelse (1974:152) om beslutad ny regeringsform.

Successionsordning (1810:0926).

Tryckfrihetsförordning (1949:105).

Yttrandefrihetsgrundlag (1991:1469).

Finlands grundlag 11.6.1999/731.