680 | Búvörulög o.fl. (búvörusamningar, búnaðarlagasamningur)
145. þing
| 4.4.2016
| Lagafrumvarp
| Stjórnarmál
Samþykkt
Umsagnir: 53 | Þingskjöl: 17 | Staða: Lokið
Markmið: Að styðja innlenda landbúnaðarframleiðslu.
Helstu breytingar og nýjungar: Lagabreytingarnar tengjast fjórum rammasamningum, þ.e. um almenn starfsskilyrði landbúnaðarins og samninga fyrir garðyrkju, sauðfjárrækt og nautgriparækt. Helstu breytingarnar snúa að nautgriparækt en þar verður vægi greiðslna út á innvegna mjólk auk gripagreiðslna aukið en á móti mun vægi greiðslna út á greiðslumark verða þrepað niður og núverandi opinber verðlagning á mjólk felld niður. Í sauðfjárrækt verður vægi gæðastýringar aukið og greiðslur út á greiðslumark þrepaðar niður á móti. Tekinn verður upp býlisstuðningur á árinu 2018 en honum er einkum ætlað að styðja við fjölskyldubú og gripagreiðslur árið 2020.
Breytingar á lögum og tengd mál: Breyta á búvörulögum nr. 99/1993 og búnaðarlögum nr. 70/1998 auk lítilsháttar breytinga á tollalögum nr. 80/2005.
Kostnaður og tekjur: Gert er ráð fyrir 12,8 milljarða útgjöldum í ár en ríflega 13,5 milljarða árlegum útgjöldum árin 2017-2019.
Aðrar upplýsingar:
Mjólkurvöruframleiðsla á Íslandi – Staða og horfur. Hagfræðistofnun, 2015.
Afgreiðsla: Samþykkt með lítilsháttar breytingum en gert ráð fyrir endurskoðun og hugsanlegri endurnýjun 2019 og 2023.
Efnisflokkar: Hagstjórn: Fjárreiður ríkisins | Atvinnuvegir: Landbúnaður | Hagstjórn: Skattar og tollar | Atvinnuvegir: Viðskipti
