Markmið: Að verja sjúklinga fyrir mjög háum greiðslum fyrir heilbrigðisþjónustu. 

Helstu breytingar og nýjungar: Lagt er til nýtt greiðsluþátttökukerfi heilbrigðisþjónustunnar og að ákveðnar verði mánaðarlegar hámarksgreiðslur sjúkratryggðra.

Breytingar á lögum og tengd mál: Lög um sjúkratryggingar nr. 112/2008.

Kostnaður og tekjur: Samkvæmt kostnaðarmati er gert ráð fyrir 46 milljóna kr. lækkun á útgjöldum ríkissjóðs verði frumvarpið að lögum. Nokkur óvissa er um áhrif breytinganna á notkun þjónustunnar. Gert er ráð fyrir viðbótarframlagi í fjármálaáætlun fjármála- og efnahagsráðuneytisins vegna þessa og til að sporna við hækkandi hlutdeild einstaklinga í kostnaði við heilbrigðisþjónustu, að hámarki 400 milljónum kr.

Afgreiðsla: Frumvarpið var samþykkt með breytingum. Þær kalla á undirbúning við eflingu heilsugæslunnar, uppfærslu hugbúnaðar og breytingar á stjórnvaldsfyrirmælum. Gildistökuákvæði laganna var því breytt og er nú 1. febrúar 2017.

Efnisflokkar: Samfélagsmál: Almannatryggingar  |  Hagstjórn: Fjárreiður ríkisins  |  Heilsa og heilbrigði: Heilbrigðismál  |  Atvinnuvegir: Tölvu- og upplýsingamál