Markmið: Að breyta nokkrum ákvæðum um skatta og gjöld.

Helstu breytingar og nýjungar: Lagt er til að almennt tryggingagjald verði lækkað um 0,5 prósentustig frá 1. júlí 2016 og fallið verði frá þeim áformum að heimila hjónum og sambýlisfólki samsköttun milli tveggja skattþrepa frá 1. janúar 2017. Þá verður vefverslun Fríhafnarinnar lögð niður og henni einungis heimilt að selja komufarþegum vörur. 

Breytingar á lögum og tengd mál: Helstu breytingarnar verða á lögum um tryggingagjald, nr. 113/1990 (2. gr.), og tollalögum, nr. 88/2005 (6. gr.).

Kostnaður og tekjur: Lækkun tryggingagjalds lækkar tekjur ríkissjóðs um 3,1 milljarð á þessu ári og 6,8 milljarða á árinu 2017. Afnám heimildar til samsköttunar mun auka tekjur ríkissjóðs árið 2018 um 3 milljarða frá því sem áður hafði verið áætlað.

Aðrar upplýsingar: Vefverslun Fríhafnarinnar.

Afgreiðsla: Samþykkt með þeirri meginbreytingu að samsköttun hjóna og sambýlisfólks milli skattþrepa verður áfram heimil.

Efnisflokkar: Samfélagsmál: Félagsmál  |  Atvinnuvegir: Ferðaþjónusta  |  Lög og réttur: Löggæsla og eftirlit  |  Hagstjórn: Skattar og tollar  |  Atvinnuvegir: Viðskipti