Markmið: Að innleiða reglugerð ESB um tilkynningu atvika í almenningsflugi og bæta þannig öryggi í almenningsflugi. 

Helstu breytingar og nýjungar: Í frumvarpinu er skerpt á ákvæði um tilkynningarskyldu um flugatvik. Lagt er til að fyrirtæki komi á laggirnar tilkynningarkerfi fyrir valfrjálsar tilkynningar til viðbótar kerfi vegna atvika sem eru tilkynningarskyld. Til að undirbyggja sanngirnismenningu er mælt skýrt fyrir um það í frumvarpinu að fyrirtækjum sé óheimilt að láta starfsfólk sem tilkynnir um atvik eða er tilgreint í tilkynningu sæta neinum viðurlögum á grundvelli upplýsinganna, nema ákveðnar undantekningar eigi við.  

Breytingar á lögum og tengd mál: Lög um loftferðir nr. 60/1998.

Kostnaður og tekjur: Ekki er gert ráð fyrir auknum kostnaði fyrir ríkissjóð.

Aðrar upplýsingar: Reglugerð Evrópuþingsins og ráðsins (ESB) nr. 376/2014, frá 3. apríl 2014, um tilkynningu atvika í almenningsflugi sem og greiningu og eftirfylgni með þeim.

Afgreiðsla: Ekki var mælt fyrir frumvarpinu.

Efnisflokkar: Erlend samskipti: Alþjóðasamningar og utanríkismál  |  Samfélagsmál: Félagsmál  |  Lög og réttur: Löggæsla og eftirlit  |  Samgöngumál: Samgöngur  |  Atvinnuvegir: Tölvu- og upplýsingamál