Markmið: Endurskoðun á lögum um rannsóknarnefndir með það fyrir augum að gera undirbúning að skipun rannsóknarnefnda markvissari.

Helstu breytingar og nýjungar: Lagt er til að rannsóknarnefndir fjalli ekki um ábyrgð ráðherra heldur verði slíkt í verkahring þingsins sjálfs eða stjórnskipunar- og eftirlitsnefndar. Tekin eru upp ákvæði um fjármál rannsóknarnefnda og um upplýsingagjöf til forseta Alþingis. Einnig er lagt til að unnið verði sjálfstætt að því að bæta verklag við undirbúning tillagna um skipun rannsóknarnefnda og að verklag varðandi frágang og skil á gögnum að lokinni rannsókn verði samræmt.

Breytingar á lögum og tengd mál: Lög um rannsóknarnefndir nr. 68/2011.

Aðrar upplýsingar: Heimasíða rannsóknarnefnda Alþingis.
Greinargerð um rannsóknarnefndir Alþingis. Hvaða lærdóm má draga af reynslunni? Lagaskrifstofa Alþingis 2015.

Efnisflokkar: Stjórnarskipan og stjórnsýsla: Alþingi  |  Hagstjórn: Fjárreiður ríkisins  |  Lög og réttur: Löggæsla og eftirlit  |  Stjórnarskipan og stjórnsýsla: Stjórnkerfi og stjórnarskipunarmál